إزاى تعــرف المصـــرى من بين 1000 واحـــد ؟

- لو سألت سواق
تاكسى على عنوان وبدل ما يدلك قالك امشي ورايا .. يبقى مصري
" وعلى فكرة ساعات بيغير اتجاهه عشان عنده رغبة صادقة يوصلك
وخايف عليك تتوه " .

- لو صليت في مكان وبعد الصلاة
اللي جنبك مد إيده وقالك تقبل الله ... ولا " حَرَماً
".. يبقى مصري .

- إذا سمعته بعد
أن يضحك كثيراً يقول " خير .. اللهم إجعله خير " ..
فتأكد أنه مصري .

- لو إتصلت بيه
على التليفون ، وقال لك من غير مناسبة " كل سنة وإنت
طيب " .. فتأكد أنه مصري
.

- لما تنزل تلاقي واحد ساند جسمه على عربيتك
وأول ما يشوفك يضحك ويقولك " لا موأخذه يا باشا .. معلش ".. يبقى مصري
.

- لو دخلت عليه وكان بياكل ولو حتى عيش ودُقـْه
" خليط من التوابل والملح " و يقولك " بسم إلـِّه " يقصد بسم الله " اتفضل معانا
الأكل " ويعيدها عليك أكتر من ثلاث أربع مرات .. يبقى أكيد مصري .

- ولو لقيت واحد شايل كيس فاكهة
ولا بطيخة وطالع الأوتوبيس رغم الزحمة ، علشان مايروحش فاضى لولاده ... يبقى مصري ابن مصرى وجدوده مصريين .

- ولما عربية
تعمل حادثة فى الطريق الصحراوى أو الزراعى ، و فى ثوانى تقف لها خمسين عربية ينقذوا
المصابين ويودوهم المستشفيات ولا يستنوا الإسعاف ويعدلوا العربيات اللى اتقلبت ولو
اضطروا يشيلوهم من على الأرض يبقى همَ دول المصريين

- لما تلاقي ناس بتقضي العيد فى المقابر مع
حبايبهم اللي ماتوا يبقي أكيد أنت في مصر .

- لما تلاقي ست " سيدة " في الرايحة والجاية عماله تدعي لأولادها وعايزة الدنيا
كلها تدعيلهم معاها ... وطموحاتها وأقصى أحلامها الشخصية فى الحياة إن ولادها يبقوا
مبسوطين ومستورين ومحبوبين من خلق الله ... تبقى دي أكيد أم مصرية

- لو شفت واحد وقف فجأة و هو ماشى
فى الشارع ومد إيده على حتة عيش مرمية على الأرض وقام رافعها وباسها قبل مايحطها
جنب الحيط ولا الرصيف... يبقى ده مصري.

- لو شفت عامل أو صنايعي أول ما خد
اجرته قام رافعها لراسه وباس ايده وش وظهر و بص فوق و حمد ربنا قبل ما يحط الفلوس
فى جيبه ... يبقى هو ده المصري.

- لو اديت لواحد فلوس وبدأ يعدها
بصوت عالي وبدأ بقوله : " الله واحد .. ومع الورقة الثانية :
مالوش تاني ، ومع الورقة الثالثة : العدد ثلاثة ، ويكمل العد .." يبقي أكيد
مصري ابن مصري.

- لو شاورت
لتاكسى ووقفلك فى نص الطريق عشان تركب حضرتك بمزاج " مطرح ما
أنت واقف " يبقي أكيد السواق مصري
.

- لما تلاقي خناقة فى الميكروباس والأصوات عليت
كل واحد فيهم بيحلف إنه يدفع للتاني ثمن التذكرة ، يبقى من المؤكد انهم مصريين .

- لما تلاقي ست البيت بتحوش
البرطمانات والعلب الفاضية يمكن سنين " يمكن تعوزهم فى أى
وقت " يبقي أكيد دي مصرية

- لما يكون فيه ضيوف عند ناس
وقاموا يسلموا عشان هيمشوا وبعد كده يقفوا على الباب يتكلموا ساعه مش هاين عليهم
يمشوا يبقوا مصريين .

- ولما تلاقى شعب
فى اكبر أزمه بيمر بيها ... مابينساش يضحك ويطلع افيهاااات .. " حتى على نفسه " ويضحك اللى حواليه وكل الدنيا ، و العالم كله
بيتكلم عليه وعلى خفته وعلى جبروته
يبقى انت اكيد تقصد " شعب مصر "
.

"
حماكِ الله يامصر ... بشعبك وأهلك الطيبيين
"

- لما تلاقي ست
البيت بتحوش البرطمانات والعلب الفاضية يمكن سنين " يمكن تعوزهم
فى أى وقت " يبقي أكيد دي مصرية

هههههههههه
عجبتني
جداً هذه يا شهد
ونضيف عليها أكياس البلاستيك كمان